بسم الله الرحمن الرحيم
صباحكم قشطه
كل عام وانتم بخير رغم انها متاخره ( العادى بتاعى )
المنم
السيكولجى : هو علم النفس اللى محدش بيفهم منه حاجه
السيكولجى الشبابى : هوا علم النفس اللى بنحس بيه احنا
مقدمه
بحمد الله طلعت من الاعداديه ورايح الثانويه بابتسامة امل واشراق
ومن اول يوم فى الاجازه كواراث الثانويه بقت مطرررررررررررررررررررررررررر
صعوبة امتحانات وانتحار طلاب وسقوط معظم الطلاب
قلت ياواد طنس خالصصصصصصصص
اقنعت نفسى انهم عالم فاشله ( على اساس انى واد موس )
لكن اتصدمت لما لقيت قريبتى بتعيطلى وبتقولى انا حاسه انى هاسقط مع انها موس بجد
هنا قررت انى اسهل الطريق
فكرت فكرت فكرت لغاية ما الوحى نزل
وقررت انى ادخل صنايع 5 سنين واطلع منها على 2 هندسه على طول
وهنا نشبت حرب بين امى وابويا بين مؤيد وعارض وفجائه اتقلبت الادوار
واستقر الامر على انى اخش ثانويه عامه
لكن انا اشترطت ( بعد مفاوضات خربت عليا الاجازه )
انى مروحش اى مدرسه قريبه واروح مدرسة المعادى العسكريه اللى فى حدايق المعادى رغم انى فى حدايق حلوان ( غاوى بهدله )
وبسبب قانون النقل ده ( ان كل واحد يروح المدرسه اللى فى منطقتهم )
دفعوا اهلى دم قلبهم
وسبحان الله انا انتقلت من هنا لمدرسة المعادى والمدرسه اللى كنت هاروحها العيال اتقلبوا فيها والمدير اتغير والمطاوى طلعت
( احمدك يارب )
بس انا دلوقتى محتار بين علمى علوم ولا علمى رياضه ( الادبى مستبعد لأنى بنسى انا بحط نظارتى فين )
لو رحت علمى علوم هحقق حلمى واكون طبيب نفسانى ( مجنون انا )
ولو رحت علمى رياضه هبقى باشمهندس زى كولد اير ( ابوس ايدك ماتحبطناش خلينا مشرقين دايما )
وما بين حلمى فى اختيار مزتى قصدى كليتى ومابين التفريق بين الحجات ياترى هيكون حالى ايه فى الجامعه
الى اللقاء فى المدونه القادمه ونظرتى المستقبليه للجامعه
ان شاء الله
السلام عليكم
ليست هناك تعليقات:
إرسال تعليق